4

പാലക്കാട്: ആലത്തൂര്‍ മുന്‍ എംപിയും കോണ്‍ഗ്രസ് നേതാവുമായ രമ്യ ഹരിദാസിന് ദേശീയ രാഷ്ട്രീയത്തില്‍ പുതിയ ഉത്തരവാദിത്തം. യൂത്ത് കോണ്‍ഗ്രസിന്‍റെ ദേശീയ അച്ചടക്ക സമിതി അംഗമായി രമ്യയെ നിയമിച്ചു.

ദേശീയ അധ്യക്ഷന്‍ നേരിട്ട് ഫോണില്‍ വിളിച്ചാണ് നിയമന വിവരം അറിയിച്ചതെന്ന് രമ്യ ഹരിദാസ് ഫേസ്ബുക്കിൽ കുറിച്ചു.

എപ്പോഴും പറയാറുള്ളത് പോലെ ഒരു കുഗ്രാമത്തിൽ പിന്നോക്ക വിഭാഗത്തിൽ ജനിച്ച എനിക്ക് ജനങ്ങൾക്ക് വേണ്ടി പ്രവർത്തിക്കാൻ അവസരം നൽകിയതും ഒരുപാട് മഹാരഥന്മാരായ നേതാക്കളുടെ കൂടെ പ്രവർത്തിക്കാനും അവർ ഇരുന്നിരുന്ന സ്ഥാനങ്ങളിൽ പ്രവർത്തിക്കാനും അവസരം നൽകിയത് എന്‍റെ പ്രസ്ഥാനമാണ്. ഈ ഉത്തരവാദിത്വം എന്നെ ഏൽപ്പിക്കാൻ തയാറായ നേതാക്കൾക്ക് നന്ദിയെന്നും രമ്യ കൂട്ടിച്ചേർത്തു.